回應：假龜傳心騙案

傳媒以玩具龜作弄五位動物傳心師，以”踢爆”動物傳心術為報導主題，城中熱爆話題。應周兆祥博士邀請，回應近日城中熱話：假龜傳心騙案。文字版隨後錄音版。

1：點睇今次事件？

A1：今次係一次傳媒失實既報導，引起大眾對動物傳心術既關注，籍著呢件事，都好希望可以帶出一d正面既訊息，從而令更多人了解同動物溝通唔係一件遙不可及既事，亦希望更多人更加關愛動物。

2：動物傳心係乜？

A2：動物傳心係用心靈感應既方式同動物溝通，呢種能力唔係特異功能，係每個人與生俱來既能力，呢種能力叫”直覺力”，只不過我地既父母、教育制度等等，無話比我地知，亦唔認同自己既能力，大眾對於認知以外既事，應以一個開放既態度，學習多一種日常以外既溝通方法。

3：同量子力學有咩關係？

A3：我自己唔係量子能學既專業人士，所以唔可以去評論。不過我睇過一集Discovery Channel講過關於動物係點樣溝通既呢？例如兩隻麻鷹飛，距離遠到唔係靠聲音去溝通，，佢地係點溝通既呢？原來係用腦電波，腦電波即係當我地個腦思考緊既時候會發出一d震頻，當腦電波既震頻被接收者接收到時，便會轉化成訊息，就好似收音機咁。而人同動物溝通都係同一個原理，用腦電波發出訊號，通過我地既直覺力為媒介，我地就可以去同動物溝通喇。

4：除左動物仲可以同植物溝通？咁死物呢？

5：咁果五位動物傳心師分別同同一隻玩具龜溝通左，同五個不同答案，又係咩原因呢？

A5：動物傳心係用心靈感應既方式同動物溝通，即係用心，而唔係用腦，就算用腦都會用右腦，而唔係左腦。當我地接收到錯誤既資訊時，呢d錯誤會變成雜訊干擾，而干擾會引至收音機tune錯台，正所謂garbage in, garbage out. 舉個例子：你唔舒服去睇醫生，醫生會憑你講既徵狀，同佢既專業幫你診斷，再開藥、比意見等等，但如果你連徵狀都講錯，醫生好大機會會斷錯症。

6：咁如果係你，你會唔會睇到張相係玩具龜呢？

7：有好多網民擺相出來，係一隻油雞，或者一碟菜心，話想叫動物傳心師問下佢地死左幾耐，咁又得唔得呢？

A7：先講返我地做動物傳心，係想幫助主人同動物相處得更加好，而唔係幫人去問隻油雞新唔新鮮，如果果d網民好想知的話，首先要開放地接受自己認知範圍以外既事先，日後有機會，可以自己學習動物傳心術，問下隻油雞新唔新鮮既。

8：報導入面既記者去左上堂，話自己做唔到冥想，但其他同學就做到，你d學生會唔會咁？

A8：上課學習動物傳心時，的確係要學習同練習冥想，目的係令我地暫停使用左腦思考，而用右腦發出訊號，同時亦用心去感受，開發同加強潛藏既直覺力，但每個人嘅天賦唔一樣, 就如有人跑得快有人跑得慢一樣，每個人嘅”直覺力”都有差異。而且一般學員新去接觸冥想練習時，係確實好難，但當你學習左之後，知道技巧及養成習慣，同動物溝通亦可以做到自然而然既事。例如我地去學游水，教練教你個方法點樣去游，最初學因為唔習慣，所以覺得好難，有d人會選擇克服困難繼續練習，另一d人就會選擇放棄，因為學唔識並唔會影響生活。

20017868_433931780296649_4445483156045434692_o