健康餐顧問及外送服務

<<有好野梗係要分享系列>> 我最鐘意以身試法，今次試既係健康減肥餐！話說三星期前搭地鐵，有個西裝友問我：小姐你係咪有左bb？要唔要坐？ok，大家應該想像到。。。我真係要必要減一減，尤其夏天要來了！

介紹番：呢個店係鬼佬開既，所以係食西式菜單，唔好咁港女要求食日式泰式。進入以下網址，可以用Live Chat同同事溝通下，你身高體重，食健康餐既原因 (例如：減肥、增肥、練大隻、長期痛患等等) ，仲有你既飲食喜好 (例如：食肉獸、唔食牛、唔食洋蔥、素食者等等) ，仲有每日要幾多餐 (例如：一日三餐、五餐) ，之後同事會報價比你。當你確認訂單之後，響指定既時間每日送貨到指定地址。認真係懶人恩物。

咁講下，我食左5日 Vegan Lose Weight Meal (嚴格素食減肥餐) 既感受先。首先食物質素，如果5粒星係最好味的話，咁一定爆晒5粒星，因為真係好好味，有餐廳水準架！而且係餐餐驚喜，食左5日，每日有3餐加2個小食，無重複過。千祈唔好以為唔夠飽喎，我每日都好飽，有時仲食唔晒，不過我會慢慢食，唔會浪費既！